Touporroutou

Empezamos novo curso e este ano seguiremos aprendendo cancións, ditos e recitados en galego, aí vos vai o primeiro:

Touporroutou
- Touporroutou, vou para Roma.
- Touporroutou, por unha corredoira.
- Touporroutou, ¿que vas buscar?
- Touporroutou, unha presa de sal.
- Touporroutou, ¿para que é o sal?
- Touporroutou, para botarlles ás verzas.
- Touporroutou, ¿para que son as verzas?
- Touporroutou, para botarlle ó caldo.
- Touporroutou, ¿para que é o caldo?
- Touporroutou, para botarlles ás galiñas.
- Touporroutou, ¿para que son as galiñas?
- Touporroutou, para poñer ovos.
- Touporroutou, ¿para que son os ovos?
- Touporroutou, ¡para comelos todos!.

Podedes traer a clase de música as culleres e así acompañamos a canción a ritmo de muiñeira.

Canción dos pitufos

Aquí tedes a canción coa que vamos facer un musical para o festival de fin de curso.

No niño novo do vento

Canción para o terceiro trimestre:

No niño novo do vento
hai unha pomba dourada. (bis)

Quen puidera namorala
quen puidera namorala, meu amigo. (bis)

Canta o luar e o mencer
en frauta de verde olivo. (bis)

Quen puidera namorala
quen puidera namorala, meu amigo.(bis)

Ten aires de frol recente
e cousas de recen casada. (bis)

Quen puidera namorala
quen puidera namorala, meu amigo (bis)

Tamen ten sombra de sombra
e andar primeiro de rio. (bis)

Quen puidera namorala
quen puidera namorala, meu amigo.

O Maio no colexio

Para os que non se lembran da canción do noso Maio aquí a tedes para aprendela:

Eiqui ven o Maio,
vestidos de xestas,
para darlle as grazas
a señora Teresa.

Eiqui ven o Maio,
vestido de flores
para darlle as grazas
a señora Dolores.

Eiqui ven o Maio,
por riba dos tellados,
eiqui ven o Maio
de roubar os espantallos.

Eiqui ven o Maio,
por riba das testas,
eiqui ven o Maio,
vestido de xestas.

Eiqui ven o Maio
pola Costa da Vela,
eiqui ven o Maio
camiño de Compostela.

Eiqui ven o Maio
pola pescadería,
eiqui ven o Maio
camiño da Romaría.

Eiqui ven o Maio
polos muros da eira,
eiqui ven o Maio
do colexio de Espiñeira.

O GATO

O GATO

Xuntáronse catro un día,
os millores deste barrio,
mataron un gato a tiros
e o meteron nun saco.
Vai o gato metido nun saco,
vai o gato prá terra da Laxe;
vai o gato metido nun saco,
ai, gatiño! xa non volve máis. (Bis)
Que mal lles parecería
a calquera deses catro,
que os meteran nun saco
como meteron o gato.
Vai o gato...
Aquel gato era un artista,
traballaba na ribeira,
agora é un bañista
na praia da Castiñeira
Vai o gato...




Artigo do "País" publicada o 8/9/2009 "El gato de A Roda tenía tiña"

Rosalía de Castro

Hoxe, 24 de febreiro, é o dia escolar dedicado a Rosalía de Castro. Dedícaselle este día porque é o aniversari do seu nacemento (24 de febriro de 1837). Se temos que decir algo breve sobre ela resaltaremos que é : "Unha das figuras indispensables na literatura do século XIX. Está considerada como unha das mellores escritoras en Lingua Galega e tamén unha das principais responsables do Rexurdimento da cultura e lingua galega."

Este ano, no entroido, unha das alumnas de 6º, foi disfrazada de Rosalia . Que libro levaba?

Para sabelo podedes mirar as fotos do entroido a ver se a atopades

Este é o libro que recomendamos ao alumnado do 3º ciclo para mercar no Nadal.Esperamos que vos guste. Cando rematemos de ler o libro,a autora,Mar Guerra, vai vir ao cole a estar con todos nós.